ಕಾರ್ಯಕ್ರಮಗಳ ಅವಲೋಕನ
- RAM ನಲ�?ಲಿ ಕಲಿಕೆಯ ಮಾರ�?ಗಗಳ�?
ಚಲನಚಿತ್ರ ತಯಾರಿಕೆಯು ಹಲವಾರು ಸೃಜನಶೀಲ ಮತ್ತು ತಾಂತ್ರಿಕ ಪ್ರತಿಭೆಗಳು ಕೂಡಿ ಸಿನಿಮಾ ಕಲ್ಪನೆ ಯನ್ನು ಸಾಕಾರಗೊಳಿಸುವ ಒಂದು ಸಾಮರಸ್ಯದ ಸಹಯೋಗವಾಗಿದೆ. RAM ನಲ್ಲಿ ನಮ್ಮೊಂದಿಗೆ ಸೇರಿ ಸಿನಿಮಾ ಕಲೆಯ ವಿವಿಧ ಅಂಶಗಳನ್ನು ಕರಗತ ಮಾಡಿಕೊಳ್ಳುವ ಪ್ರಯಾಣವನ್ನು ಪ್ರಾರಂಭಿಸಿ.
-
ಕಥೆ ಮತ್ತು ಚಿತ್ರಕಥೆ
-
ಡಿಜಿಟಲ್ ಫಿಲ್ಮ್ ಮೇಕಿಂಗ್
-
ನಿರ್ದೇಶನ
ಪ್ರತಿಯೊಂದು ಚಿತ್ರವು ಒಂದು ನಿರ್ದಿಷ್ಟವಾದ ನಿರ್ವಹಣಾ ಶೈಲಿ ಹಾಗು ತೆರೆಯ ಮೇಲೆ ಕಥೆ ಹೇಳುವ ರೀತಿ ಯನ್ನು ಹೊಂದಿದೆ. ಪ್ರತಿ ಚಿತ್ರದ ವಿಶಿಷ್ಟತೆಯು ಚಲನಚಿತ್ರ ನಿರ್ದೇಶಕರ ದೃಷ್ಟಿಯ ಫಲಿತಾಂಶವಾಗಿದೆ. ನಿರ್ದೇಶಕರು ಹಾಳೆಯ ಮೇಲೆ ಬರೆದ ಚಿತ್ರವನ್ನು ಮನದಲ್ಲಿ ದೃಶ್ಯೀಕರಿಸಿ ಮತ್ತು ಅದನ್ನು ವಾಸ್ತವಕ್ಕೆ ತರಲು ಎಲ್ಲಾ ಎಳೆಗಳನ್ನು ಒಟ್ಟಿಗೆ ಜೋಡಿಸುತ್ತಾರೆ. ನಿರ್ದೇಶನವು ತಾಂತ್ರಿಕ-ಸೃಜನಶೀಲ ಕ್ಷೇತ್ರವಾಗಿದೆ. ನಿರ್ದೇಶಕರು ಸಿನಿಮಾ ಮಾಡುವಾಗ ಪ್ರತಿ ಸಣ್ಣ ಮತ್ತು ದೊಡ್ಡ ಚಟುವಟಿಕೆಯನ್ನು ನೋಡಿಕೊಳ್ಳಬೇಕು. RAM ನಲ್ಲಿ ಡೈರೆಕ್ಷನ್‌ನ ಡಿಜಿಟಲ್ ಕೋರ್ಸ್ ನಿಮ್ಮನ್ನು ಎಲ್ಲಾ ರೀತಿಯ ಕೆಲಸ ಮಾಡಬಲ್ಲ ಮತ್ತು ನಿರ್ದೇಶನದ ತಜ್ಞ ಆಗಲು ಸಿದ್ಧಗೊಳಿಸುತ್ತದೆ.
-
ನಟನೆ
ನಟನೆಯು ದೈಹಿಕ ಚಲನೆಗಳು, ಮುಖಭಾವಗಳು, ಭಾವನೆಗಳು ಮತ್ತು ಮನಸ್ಸಿನ ಉಪಸ್ಥಿತಿಯ ಮೂಲಕ ಅಭಿವ್ಯಕ್ತಿಸುವ ನೈಜ ಪ್ರದರ್ಶನವಾಗಿದೆ. ನಟನೆ ಎಂದರೆ ಕಾಲ್ಪನಿಕ ಸಂದರ್ಭಗಳಲ್ಲಿ ಪ್ರಮಾಣಿಕವಾಗಿ ಬೇರೊಬ್ಬರ ಜೀವನವನ್ನು ಜೀವಿಸುವುದು . ನಟನೆಯು ನಿಮ್ಮ ದೇಹ ಮತ್ತು ಮನಸ್ಸಿನ ಮೂಲಕ ವ್ಯಕ್ತವಾಗುತ್ತದೆ. ನಟನೆಯು ತಪ್ಪಾಗಿ ಗ್ಲಾಮರ್, ಸೌಂದರ್ಯ ಮತ್ತು ಮಾರುಕಟ್ಟೆ ಮೌಲ್ಯ ದ ಸ್ಪರ್ಧೆಗಳೊಂದಿಗೆ ಸಂಬಂಧಿಸಿರುವ ಈ ಜಗತ್ತಿನಲ್ಲಿ, ನೈಜವಾದ ನಟನಾ ಕಲೆಯನ್ನು ಕಲಿಯಿರಿ. ನಟನೆಯ ಕೌಶಲ್ಯವನ್ನು ಕಲಿತು, ಅದನ್ನು ಅಭ್ಯಾಸ ಮಾಡುವ ವಿಧಾನಗಳನ್ನು ಅರಿಯುವ ಮತ್ತು ಅದನ್ನು ಪರಿಪೂರ್ಣಗೊಳಿಸುವ ತಂತ್ರಗಳನ್ನು ನಮ್ಮ ಹೇಳಿ ಮಾಡಿಸಿದ ಡಿಜಿಟಲ್ ಕೋರ್ಸ್-ನಟನೆ , ಇಲ್ಲಿ ತಿಳಿದುಕೊಳ್ಳಿ.
-
ಚಲನಚಿತ್ರ ನಿರ್ಮಾಣ
ಇದು ವ್ಯವಸ್ಥಿತ ಹಾಗು ಸಂಘಟಿತ ರೀತಿಯಲ್ಲಿ ಯೋಜನೆಯನ್ನು ರೂಪಿಸಿ ಅನುಷ್ಟಾನಗೊಳಿಸುವುದು. ನಿರ್ಮಾಣದಲ್ಲಿ ಹಲವಾರು ಭಾಗಗಳಿವೆ – ಚಿತ್ರೀಕರಣವನ್ನು ನಿಗದಿಪಡಿಸುವುದು ಹಾಗು ಅದಕ್ಕೆ ತಕ್ಕ ವ್ಯವಸ್ಥೆಯನ್ನು ಮಾಡುವುದು, ಪೋಸ್ಟ್ ಪ್ರೊಡಕ್ಷನ್ ಕಾರ್ಯ, ಆಯವ್ಯಯ ಮೇಲ್ವಿಚಾರಣೆ ಮತ್ತು ಅವುಗಳ ಸಮನ್ವಯ ನಿರ್ವಹಣೆ ಇತ್ಯಾದಿ. ನಯವಾದ ಮತ್ತು ಸುಗಮ ಪ್ರಕ್ರಿಯೆಗಾಗಿ, ಸೃಜನಶೀಲತೆಯಷ್ಟೇ ಅಲ್ಲದೆ ತಾಂತ್ರಿಕ ಮತ್ತು ವ್ಯವಹಾರಿಕ ಅಂಶಗಳನ್ನು ಕೂಡ ಅರ್ಥಮಾಡಿಕೊಳ್ಳುವ ಕೌಶಲ್ಯದ ಅಗತ್ಯವಿದೆ. RAM ನಲ್ಲಿನ ಚಲನಚಿತ್ರ ನಿರ್ಮಾಣದ ಪಠ್ಯಕ್ರಮವು, ಸಿನಿಮಾ ತಯಾರಿಕೆಯ ನೈಜ ಕಾರ್ಯವಿಧಾನಗಳ ಬಗ್ಗೆ ಉತ್ಸುಕರಾಗಿರುವವರಿಗೆ ಅತಿ ಸೂಕ್ತವಾಗಿದೆ. ಈ ಕೋರ್ಸ್ ನಿಮಗೆ ಈಗಿನ ಡಿಜಿಟಲ್ ಯುಗದಿಂದ ಬದಲಾಗಿರುವ ಸಿನಿಮಾ ನಿರ್ಮಾಣದ ಬೇಡಿಕೆಗಳು ಮತ್ತು ಸವಾಲುಗಳ ಬಗ್ಗೆ ಒಳನೋಟಗಳನ್ನು ನೀಡುತ್ತದೆ. ವಿದ್ಯಾರ್ಥಿಗಳು ಜಟಿಲ ಕಾರ್ಯವಿಧಾನದ ಪ್ರತಿಯೊಂದು ಅಂಶಗಳನ್ನು ಅರ್ಥಮಾಡಿಕೊಳ್ಳಲು ಬೇಕಾದ ವಿಶೇಷ ಮಾಹಿತಿ ಹಾಗೂ ನುರಿತ ಜ್ಞಾನದ ಭಂಡಾರವನ್ನು ಬಳಸಬಹುದು. RAMನಲ್ಲಿ ಉಚಿತವಾಗಿ ಆಧುನಿಕ ಮಾಧ್ಯಮ ನಿರ್ಮಾಣ ಕೋರ್ಸ್ ಅನ್ನು ಆನ್‌ಲೈನ್‌ನಲ್ಲಿ ಕಲಿಯಿರಿ
-
ಸಿನೆಮಾ ಸಂಕಲನ
ಸಿನೆಮಾ ಸಂಕಲನದ ಡಿಜಿಟಲ್ ಯುಗವನ್ನು ‘ರಾಮೋಜಿ ಅಕಾಡೆಮಿ ಆಫ್ ಮೂವೀಸ್’ಅಲ್ಲಿ ಪ್ರವೇಶಿಸಿ. ಉದ್ಯಮದ ಅತ್ಯುನ್ನತ ಮಟ್ಟದ ಪ್ರಕ್ರಿಯೆಗಳನ್ನು ಮತ್ತು ತಂತ್ರಗಳನ್ನು ನಿಮ್ಮ ಮುಂದೆ ತೆರೆದಿಡುತ್ತೇವೆ. ಕೈಕೆಲಸವಾಗಿದ್ದ ಸಂಕಲನ, ಡಿಜಿಟಲ್ ಜಗತ್ತಿಗೆ ಡಿಜಿಟಲ್ ಜಗತ್ತಿಗೆ ನೆಗೆದಿದೆ. ಇದರ ಕಲೆ ಮತ್ತು ಕೌಶಲ್ಯವನ್ನು ಪಡೆಯಲು ನಮ್ಮಲ್ಲಿಗೆ ಬನ್ನಿ. ಶಾಸ್ತ್ರೀಯ ಸಂಕಲನದ ಅಂಶಗಳನ್ನಲ್ಲದೇ ಸುಗಮವಾಗಿ ಸಂಕಲನ ಮಾಡುವ ಆಧುನಿಕ ಉಪಾಯಗಳನ್ನು ಕಲಿತು ಶಕ್ತಿಯುತವಾದ ಕಥೆಗಳನ್ನು ದೃಶ್ಯಗಳ ಮೂಲಕ ಹೇಳುವುದನ್ನು ಕಲಿಯಿರಿ. ನಮ್ಮ ಪಠ್ಯದಲ್ಲಿ ಸಂಕಲನದ ಸಮಗ್ರ ಪ್ರಕ್ರಿಯೆಯನ್ನು ಕಲಿಸಿ ಸಮಯಾತೀತವಾದ ಸಿನೆಮಾ ನಿರ್ಮಾಣದ ಕುಶಲಕಲೆಯನ್ನು ಮನನಮಾಡಿಸುತ್ತೇವೆ. ಸಂಪದ್ಭರಿತ ಸಂಕಲನದ ತಂತ್ರಜ್ಞಾನದಲ್ಲಿ ಪಾರಂಗತರಾಗಿ ಮತ್ತು ಚಿತ್ರೀಕರಣ ಮಾಡಿಟ್ಟ ‘ಕಚ್ಚಾ ಫೂಟೇಜ್’ ಅನ್ನು ಪ್ರಭಾವಶಾಲೀ ಕಥೆಯಾಗಿಸಲು ಸಶಕ್ತರಾಗಿ. ‘ರಾಮೋಜಿ ಅಕಾಡೆಮಿ ಆಫ್ ಮೂವೀಸ್’ ಸೇರಿರಿ ಮತ್ತು ಸಿನೆಮಾ ಲೋಕದ ಅತ್ಯಂತ ಕಲ್ಪನಾತ್ಮಕ ಸಂಕಲನ ಲೋಕದಲ್ಲಿ ಮಿಂಚಲು ಆರಂಭಿಸಿ.
